“Cover letter ရေးနည်း”

(၁) Cover Letter ဆိုတာ

Cover Letter ဆိုတာဟာ resume သုို့မဟုတ် CV တို့နဲ့ တွဲပြီးတင်ရလေ့ရှိတဲ့၊ တစ်နည်းအားဖြင့် အလုပ်ရှင်က ကိုယ့်ကိုအလုပ်ခန့်ချင်လာအောင် ကိုယ့်ရဲ့လုပ်ငန်းအတွေ့အကြုံ၊ အစွမ်းအစနဲ့ လုပ်ရည်ကိုင်ရည် ပညာအရည်အချင်းတွေကို အက်ဆေးလိုမျိုး ဖွဲ့ကာနွဲ့ကာ အသားပေးရေးရတဲ့ စာဖြစ်ပါတယ်။

အလုပ်ရှင်ထံလိပ်မူတပ်ပြီး အလုပ်လျှောက်သူမြောက်မြားစွာထဲကမှ ကိုယ့်ကိုဘာကြောင့်ရွေးသင့်တယ်၊ ကိုယ်ဟာ သူများတွေထက် ဘာတွေများ ထူးခြားသာလွန်နေတယ်ဆိုတာတွေကို ဒီစာကိုဖတ်မယ့်အလုပ်ရှင်တွေ ဆွဲဆောင်မျောပါသွားနုိုင်အောင်၊ ကိုယ့်ကို အင်တာဗျူးချက်ချင်းခေါ်ချင်လောက်အောင် ရေးရတဲ့စာဖြစ်ပါတယ်။

(၂) Format ချပုံ

ယေဘုယျအားဖြင့် cover letter ဟာ အနည်းဆုံး စာပိုဒ် ၃ပိုဒ် သို့မဟုတ် ၄ပိုဒ်တော့ရှိရပါမယ်။ အများဆုံးကတော့ ၂မျက်နှာလောက်ထက်ပိုရေးလို့ မကောင်းပါဘူး။ ကိုယ့်မှာ လုပ်သက်အတွေ့အကြုံတွေ ၁၀နှစ် အနှစ်၂၀ရှိတယ်ဆိုရင်တောင် စာမျက်နှာ၂မျက်နှာထက် ပိုရေးရင် မကောင်းပါဘူး။ လုပ်သက်နုတယ်ဆိုရင်တော့ တစ်မျက်နှာတည်းနဲ့ ကျစ်ကျစ်လစ်လစ် လောက်အောင်ရေးပါ။

Microsoft Word နဲ့ရေးပါ။ စာမျက်နှာရဲ့ ဘယ်ညာအပေါ်အောက် ထောင့်လေးထောင့်ဟာ စာလုံးတွေနဲ့ ၁လက်မအကွာအဝေး 1 inch margin တူညီစွာ ရှိရပါမယ်။ ထိပ်ဆုံးမှာ စာလုံးကြီးကြီးနဲ့ ထင်ထင်ရှားရှား ကိုယ့်အမည်ကို အရင်ဆုံးစာရိုက်ပါ။ အရေးကြီးတာက ကိုယ့်နာမည်ဟာ ထိပ်ဆုံးမှာ တခြားစကားလုံးတွေထက် အနည်းငယ်ပိုကြီးပြီး ရှင်းလင်းပေါ်လွင်နေဖို့လိုပါတယ်။ ကိုယ်ကတော့ စာမျက်နှာရဲ့ ထိပ်ဆုံး အလယ်တည့်တည့်မှာ ဖောင့်ဆိုဒ် ၁၄ သို့မဟုတ် ၁၆လောက်နဲ့ရေးဖို့ အကြံပြုချင်ပါတယ်။ ကျန်တဲ့စာတစ်စောင်လုံးရဲ့ ဖောင့်ကိုတော့ တစ်ခုတည်းနဲ့ပဲရေးပါ။ များသောအားဖြင့် font size 12 နဲ့ရေးသင့်ပါတယ်။ ဖတ်လို့လွယ်ကူရှင်းလင်းတဲ့ဖောင့်ကိုပဲရွေးပါ။ ဥပမာ Times New Roman, Georgia, Calibri နဲ့ Arial ဖောင့်တွေဖြစ်ပါတယ်။

(၃) ပြန်ဆက်သွယ်ရမည့်အချက်အလက်

နာမည်ရဲ့အောက်မှာ ဖုန်းနံပါတ်နဲ့ အီးမေးလိပ်စာကို ရှင်းလင်းစွာဖော်ပြပါ။ ဒါမှ အလုပ်ရှင်က ကိုယ့် cover letter ကိုကြိုက်လို့ ကိုယ့်ကိုအင်တာဗျူးခေါ်ချင်တဲ့အခါ ဆက်သွယ်ရမယ့်ဖုန်းနံပါတ်နဲ့ အီးမေးလ်လိပ်စာကို ထိပ်ဆုံးမှာ လွယ်လွယ်ကူကူ ရှာဖွေဆက်သွယ်နိုင်အောင်လို့ပါ။ နေရပ်လိပ်စာကတော့ ထည့်ရေးချင်လည်းရပါတယ်။ လိုတော့မလိုပါ။

(၄) နေ့စွဲ၊ လိပ်စာနှင့် အလုပ်ရှင်အမည်

အလယ်တည့်တည့်ရဲ့ထိပ်ဆုံးမှာ ဒါတွေဖော်ပြပြီးပြီဆိုရင်တော့ တစ်လိုင်းခြားပြီး စာမျက်နှာရဲ့ ဘယ်ဖက်အခြမ်းကပ်ပြီး နေ့စွဲတပ်ပါ။ နေ့စွဲရဲ့အောက်မှာ တစ်လိုင်းထပ်ခြားပြီး ကိုယ်အလုပ်လျှောက်မယ့် အဖွဲ့အစည်း သို့မဟုတ် ကုမ္ဗဏီနာမည်ကိုရေးပါ။ Enter တစ်ချက်ခေါက်ပြီး ကပ်လျက်လိုင်းမှာ သူ့ရဲ့ ရုံးလိပ်စာရေးပါ။

တစ်လိုင်းခြားပြီး ဒီစာကိုဖတ်မယ့်သူရဲ့နာမည်ကိုရေးပါ။ ကိုယ့်အလုပ်ရှင်ဘယ်သူဘယ်ဝါ၊ ကုမ္ဗဏီက ဒီစာကိုဖတ်မယ့်လူရဲ့နာမည်ကို ကိုယ်က ကျိန်းသေမုချသိထားပြီးပြီဆိုမှ နာမည်အတိအကျကို ဥပမာ - Dear Mr. Johnson သို့မဟုတ် Dear Ms. Grande စသဖြင့်ရေးပါ။ ဒီစာကို ဘယ်သူကဖတ်မယ်မှန်းမသိ၊ အထီးလားအမလား မသေချာရင် To Whom It May Concern (ဒီစာကိုဖတ်မည့်သက်ဆိုင်သူသို့) လို့ပဲရေးတာ အမှားကင်းပါတယ်။

(၅) နိဒါန်း

နိဒါန်းစာကြောင်းကိုတော့ နှုတ်ဆက်စကားတွေ၊ အလ္လာပသလ္လာပတွေနဲ့ ဘယ်တော့မှ မစပါနဲ့။ ဒါဟာ သူငယ်ချင်းဆီ သတိရကြောင်းရေးတာမဟုတ်ပါဘူး။ ပရော်ဖက်ရှင်နယ်ဆန်ဆန် အလုပ်လျှောက်နေတာပါ။ နိဒါန်းရဲ့ ပထမဦးဆုံးအကြောင်းကို “ဒီစာရေးရခြင်းအကြောင်းကတော့ သင့်ရဲ့ ဘယ်ကုမ္ဗဏီ ဘာအဖွဲ့အစည်းက ခန့်အပ်ဖို့ကြေငြာထားတဲ့ ဘာရာထူးကို စိတ်ဝင်စားလို့ ရေးရခြင်းဖြစ်ပါတယ်” ဆိုတာမျိုးနဲ့ အမြဲဖွင့်သင့်ပါတယ်။ ဦးတည်ချက်ကိုရှေ့တန်းတင်တဲ့သဘောမျိုး သက်ရောက်စေပါတယ်။ ဒုတိယစာကြောင်းကိုတော့ ကိုယ့်ရဲ့လက်ရှိရာထူးနဲ့ အလုပ်အကိုင်ကိုရေးပါ။ ကိုယ်ဟာ အလုပ်လက်မဲ့ဆိုရင်တော့ အဲ့ဒီအစား ကိုယ်ဟာ အခုလျှောက်မယ့်အလုပ်အကြောင်းကို ဘယ်လိုမျိုး ဘယ်နေရာက ကြားသိခဲ့ပါတယ်ဆိုပြီး ရေးနိုင်ပါတယ်။

(၆) စာကိုယ်

ဒုတိယနဲ့ တတိယအပိုဒ်တွေဟာ စာကိုယ်ဖြစ်ပါတယ်။ ဒီမှာ လုပ်ငန်းအတွေ့အကြုံကို စာကြောင်းလေးကြောင်းလောက်နဲ့ ကျစ်ကျစ်ကလေးရေးပါ။ စကားပုံတွေ၊ ဗန်းစကားတွေ၊ ရပ်ကွက်သုံးစကားတွေကို အမြဲရှောင်ပါ။ ဒုတိယအပိုဒ်မှာတော့ resume ထဲမှာ ဖော်ပြထားပြီးဖြစ်တဲ့ အချက်အလက်တချို့ကို ထည့်သွင်းပြီး ကိုးကားချဲ့ထွင်ပြီး ရေးနိုင်ပါတယ်။ ရိုးရိုးဗြောင်ကြီးရေးမယ်ဆိုရင် စကားလုံးတွေဟာ တက်ကြွမှုမရှိဘဲ ပျင်းစရာကောင်းနေပါလိမ့်မယ်။ ဒီတော့ ပုံမှန်စာကြောင်းတည်ဆောက်ပုံထဲမှာကိုပဲ ဆွဲဆောင်မှုရှိအောင် သွယ်ဝိုက်ဖမ်းစားရေးတတ်ဖို့ အရေးကြီးပါတယ်။ ထည့်ရေးသင့်တဲ့အချက်များ - လုပ်သက်၊ ရာထူး၊ လုပ်ငန်းခွင်မှာ ကျော်လွှားခဲ့တဲ့အခက်အခဲတစ်ခု၊ အောင်မြင်ဖူးတဲ့ပရောချက်တစ်ခု၊ ရရှိဖူးတဲ့ promotion (ရာထူး/လစာတိုးခြင်း) စသည်။

တတိယအပိုဒ်မှာတော့ ကိုယ်အခုလျှောက်နေတဲ့အလုပ်နဲ့ပတ်သက်တဲ့ လုပ်ငန်းဆောင်တာ၊ တာဝန်တွေနဲ့ပတ်သက်ပြီးတော့ အသားပေးရေးပါ။ အလုပ်လျှောက်လွှာခေါ်တဲ့အခါ ဘာအရည်အချင်းရှိရမယ်တို့ ဘာအတွေ့အကြုံရှိရမယ်တို့ minimum qualifications တွေ အမြဲပါတတ်ပါတယ်။ ဒါတွေကို တုံ့ပြန်ဖြေကြားတဲ့အနေနဲ့ သူတို့လိုချင်တဲ့အဓိကအရည်အချင်းတွေ ကိုယ့်မှာရှိကြောင်း သူတို့အမေးတွေကို တိုက်ရိုက်ဖြေဆိုသလိုပုံစံမျိုးနဲ့ ရေးသားနိုင်ပါတယ်။

(၇) နိဂုံး

လူချင်းစကားပြောခွင့်ရအောင် တောင်းဆိုပါ။ ကိုယ့်အရည်အချင်းတွေကို သူ့စိတ်တိုင်းကျ မျက်လုံးချင်းဆုံပြီး ပိုအသေးစိတ်ပြောဆိုနိုင်ဖို့အတွက် အခွင့်အရေးများရနိုင်ရင် ဘယ်လောက်ကောင်းလိမ့်မလဲဆိုပြီး သွယ်ဝိုက်ရေးနိုင်ပါတယ်။ ကိုယ့်ကိုအင်တာဗျူးခေါ်ဖို့ ချည်ပြီးတုပ်ပြီးသား လုပ်လုိုက်တဲ့သဘောပါပဲ။ အဲ့ဒါပြီးရင်တော့ နောက်ဆက်တွဲအနေနဲ့ ငါ့စာထဲမှာ မင်းမရှင်းလင်းတဲ့အချက်၊ ပိုသိချင်တဲ့အချက်အလက်လေးတွေ၊ မေးခွန်းကလေးတွေများ ပါခဲ့ရင် ငါ့ဆီ အချိန်မရွေးဆက်သွယ်နိုင်ပါကြောင်း ထည့်ရေးပါ။ အဆုံးသတ်စာကြောင်းမှာတော့ ကျေးဇူးတင်စကားပြောပါ။ မကြာခင် သူ့ဆီက အလုပ်စကားတစ်ခုခု အကြောင်းပြန်ကြားနိုင်ဖို့ မျှော်လင့်နေကြောင်းတွေကိုရေးပြီး အဆုံးသတ်လိုက်ပါ။ ဘယ်ဘက်အောက်ဆုံးမှာတော့ Sincerely ဆိုပြီး ကိုယ့်နာမည်အပြည့်အစုံကိုရေးပါ။ လက်မှတ်ထိုးဖို့မလိုအပ်ပါဘူး။

#Craton_Highways
(Brought to you by the SPACE Language Academy)

credit

The SPACE Language Academy

Business Plan တစ်ခုကို အကောင်းဆုံးရေးဆွဲခြင်း

လုပ်ငန်းရှင်တိုင်းရဲ့ ဘဝမှာ တစ်ခါတော့ လုပ်ငန်းကို အရမ်းရှုပ်ထွေးမသွားခင် စာရွက်ပေါ် အစီအစဉ် ချရေးရတဲ့ အချိန် ရှိနေမှာပါ။ သင့်မှာ ငွေ ရှိနေရင်တောင် သင့်ရဲ့ စာရွက်ပေါ် ချရေးထားတဲ့ စီးပွားရေးအစီအစဉ် လိုပါသေးတယ်။

ဘယ်လို အစီအစဉ် ချရမလဲဆိုတော့
၁. အလုပ်လုပ်မယ့် အသင်း
၂. ထုတ်ကုန်
၃. ဝန်ဆောင်မှု
၎. ရည်မှန်းဈေးကွက်
၅. ခန့်မှန်း ဝယ်လိုအား
၆. ဝင်ငွေ အချက်အလက်
၇. မြှုပ်နှံဝင်ငွေ
၈. ချေးငွေ
၉. ခန့်မှန်းဝင်ငွေ
၁၀. မြှုပ်နှံသူတွေအတွက် ထွက်ပေါက်
၁၁. လုပ်ငန်းလုပ်ရသည့် အကြောင်းရင်း
၁၂. သင် လုပ်ကိုင်နိုင်မည့် မျှော်မှန်းကာလ

တို့အကြောင်း ခေါင်းစဉ်တစ်ခုခြင်းစီ သေသေချာချာ ချရေးပါ။ မည်သည့်ခေါင်းစဉ်ကိုမှ ချန်ထားခဲ့၍မရပါ။

ပြီးရင် နောက်တစ်ခေါက် ပြန်စစ်ပြီး လိုအပ်နေတာတွေ ဖြည့်ပါ။
သင့်ရဲ့ Plan ဟာ စာရွက်တစ်ရွက်လောက် ပါးပါးလေးကနေ စာရွက် ၁၀၀ လောက် အထူကြီးထိ လုပ်နိုင်ပါတယ်။ ဒါပေမယ့် တစ်ရွက်ထဲလုပ်ထားတဲ့ Plan ကို ဘယ်သူမှ တလေးတစား ကြည့်မှာ မဟုတ်သလို ရွက်တစ်ရာ Plan ကြီးကိုလဲ ဘယ်သူမှ အစအဆုံး ဖတ်နေမှာ မဟုတ်ပါဘူး။ စီးပွားရေးလုပ်ငန်းငယ်တွေအဖို့ အရွက်၃၀ ကနေ ၅၀ အတွင်းဟာ အဆင်ပြေပါတယ်။ စာချည်းပဲ ရွက်သုံးဆယ်အစာ စာနဲ့ ပုံနဲ့ ဂရပ်တွေနဲ့ ရွက် ငါးဆယ်က ပိုပြီး ကောင်းပါတယ်။

ဘာလုပ်မှာလဲ၊ ဘာကြောင့်လဲ ဆိုတာ ရှင်းပြပါ။
သင်လုပ်ချင်တာ ဘာပါလဲ။ သင့် Plan က ဘာပါလဲ။ ဘယ်လို ငွေရှာမလဲ ဆိုတာ ပြောစရာမလိုပါဘူး။ ကမ္ဘာကြီးကို ဘာချပြချင်တယ်ဆိုတာပဲ ပြောပြပါ။ ရိုးသားပါ။ သင့် Plan ကို ဖတ်နေတဲ့ ရင်းနှီးမြှုပ်နှံသူတွေဟာ သင် ဒါကို ဘာကြောင့် လုပ်ချင်ရတာလဲဆိုတာ သိချင်မှာပါ။

အသင်း
စီးပွားရေးလုပ်ငန်းတစ်ခုဆိုတာ အသင်းလိုက် လုပ်ရတာပါ။ ဒီစီးပွားရေးကို လုပ်ဆောင်မယ့် အသင်းအကြောင်း ရှင်းပြပါ။ နာမည်ကျော်သူတွေအကြောင်းက စပြောပြပြီး လုပ်သက်ရင့်သူတွေအလယ် အနာဂါတ်ရှိတဲ့ လူသစ်တွေအဆုံး အားလုံးအကြောင်းကို သေချာ ရှင်းပြထားပါ။ နောက်ဆုံး လူသစ်တွေရဲ့ အရည်အသွေးတွေ ဘာကြောင့် ရွေးထားတယ် ဆိုတာတွေကို သေသေချာချာ ရှင်းပြပါ။

ဈေးကွက်
သင့်ထုတ်ကုန် ဘယ်ဈေးကွက်မှာ အဆင်ပြေမလဲဆိုတာ သင်လုပ်ထားတဲ့ စစ်တမ်းတွေအကြောင်းနဲ့ စပြောပါ။ အဲဒိဈေးကွက်ထဲကလူတွေကို ဘယ်လို ပစ်မှတ်ထားမလဲဆိုတာ ပြောပါ။ ခုလောလောဆယ် ဈေးကွက်အကြောင်းနဲ့ ပြိုင်ဘက် ရှိမရှိ ၊ ရှိခဲ့ရင် သင့်ပြိုင်ဘက်တွေအကြောင်းနဲ့ ဘယ်လိုအနိုင်ယူမလဲဆိုတာပါ သေချာ ရှင်းပြပေးထားပါ။

ငွေကြေး
ငွေကြေးအထောက်အပံ့ဟာ စီးပွားရေးလုပ်ငန်းတိုင်းရဲ့ အဓိကပါ။ သင် ဒိလုပ်ငန်းကို စနေပြီဆိုရင် သင့်ရဲ့ လုပ်ငန်းဝင်ငွေကို သုံးနှစ်ကနေ ငါးနှစ်အတွင်း ပြနိုင်ရမှာဖြစ်ပြီး ပထမနှစ်ကို တစ်လခြင်းစီ၊ နောက်နှစ်တွေကို လေးလပါတ်ခြင်းစီ ဝင်ငွေ ပြပေးရပါ့မယ်။

ထွက်ပေါက်
ရင်းနှီးမြှုပ်နှံသူတွေဟာ သူတို့ မြှုပ်နှံပြီးရင် ငွေရ၊ ဒီတိုင်း အပြင်မှာ ထိုင်နေပြီး ပျော်ပျော်ရွှင်ရွှင် အမြဲနေသွားကြချင်တာပါ။ သူတို့ကို ဘယ်လို ထွက်သွားလို့ရလဲဆိုတာ ပြပေးပါ။ IPO, Franchise, လုပ်ငန်းကို မျိုးရိုးစဉ်ဆက် လက်ဆင့်ကမ်းပေးတဲ့ Plan တွေဟာ အသုံးများပါတယ်။ အများပြည်သူဆီ ရှယ်ယာရောင်းတာကတော့ အစဦးလုပ်ငန်းတွေအတွက် Plan ထဲမှာ မထည့်သင့်ပါဘူး။

Credit: Gentlemen 

www.baganmart.com

လုပ်ငန်းရှင်များ ရောင်းဝယ်ရာ

"မားကတ်တင်းဝန်ထမ်းတစ်ယောက်ကို ကုမ္ပဏီမှာခန့် ဖို့  အင်တာဗျူးဖူးသူတိုင်း ဒါတွေကို ကြားဖူးကြမှာပါ”
"ကျမ မားကတ်တင်း မလုပ်နိုင်ဘူး … တစ်အိမ်ဝင် တစ်အိမ်ထွက်နဲ့ "
"ရုံးထဲမှာပဲ နေချင်တယ် … အပြင်မထွက်ချင်ဘူး"
"ဟင့်အင်း … ဟိုလျှောက်သွား ဒီလျှောက်သွားနဲ့ "
"ကျမ စဉ်းစားပါဦးမယ်"
ဒီလိုအပြောခံရတိုင်းမှာ လုပ်ငန်းခွင်ထဲက မားကတ်တင်းသမားတွေ ခံပြင်းစိတ်တွေ ဖြစ်ခဲ့ဖူးကြမှာပါ။ မားကတ်တင်းက တကယ်ပဲ ဟိုလျှောက်သွား၊ ဒီလျှောက်သွားပဲလားလို့  ထင်မှတ်ကြတာလဲ မမှားပါဘူး။ မားကတ်တင်းသမားဆိုတာ မားကတ်ထဲမှာပဲ ရှိသင့်တာပဲလို့  ခံယူထားရင် ကျေနပ်စရာနပါ။ ဒါမှ ရောင်းသူ၊ ဝယ်သူ အရောင်းအဝယ်ဖြစ်တဲ့ မားကတ်ရဲ့  သဘောကို ပိုပြီး နားလည်နိုင်မှာပါ။ ဘယ်လိုခေါ်ခေါ် ပြဿနာမဟုတ်ပေမဲ့ Sales နဲ့  Marketing ကို မကွဲတဲ့ ရာထူးသတ်မှတ်မှုကသာ သဘောဆောင်သွားပုံရပါတယ်။
မားကတ်တင်းလို့ပြောတာနဲ့ အားလုံးသိပြီးသားဖြစ်တဲ့ '4P' ပီလေးလုံးကို ပြေးမြင်ကြမှာပါ။ ပီလေးလုံး၊ ပီခုနစ်လုံးအပြင် ပုံစံတမျိုးနဲ့ ချဉ်းကပ်ကြည့်ချင်မိတယ်။ (၂၁)ရာစုနောက်ပိုင်းမှာတော့ အရောင်းပဲဖြစ်ဖြစ်၊ စာရင်းကိုင်ပဲဖြစ်ဖြစ်၊ လူ့ စွမ်းအားအရင်းအမြစ်ပဲဖြစ်ဖြစ် ကုမ္ပဏီရဲ့  ပုံရိပ်ကို ဖန်တီးပေးတဲ့ မားကတ်တင်းသမားတွေလို့  သတ်မှတ်ပေး၊ သတ်မှတ်ခံရင် ကောင်းမွန်လှပတဲ့ ကမ္ဘာကြီးတစ်ခု ဖြစ်လာမှာပါ။ ဟုတ်ပါတယ် … ကျနော်တို့ တွေအားလုံး မိမိပုံရိပ်ကို မိမိတည်ဆောက်နေကြတဲ့သူတွေပဲလေ ….
.
အမှတ် (၁) - ချစ်ခြင်းနဲ့ ဆောက်တဲ့ကြိုး
တကယ်လို့ သင်ဟာ မားကတ်တင်းတစ်ယောက်ဆိုရင် အမုန်းကိုမေ့ထားဖို့  လိုပါလိမ့်မယ်။ ကိုယ့်အပေါ် ဒုက္ခပေးတဲ့ ရန်သူကိုတောင်မှ မေတ္တာထားနိုင်ရင် ဘဝဟာ မှန်တချပ်လိုပါပဲ။
သက်ရောက်မှုတိုင်းမှာ တန်ပြန်သက်ရောက်မှုရှိတယ်ဆိုပြီး Newton’s Third Law of Motion က ဒီလိုဆိုခဲ့ပါတယ်။
“For every action, there is and equal and opposite reaction.”
သူများကို မုန်းဖို့ ကြိုးစားရင် ကိုယ့်ကိုဘယ်သူက ချစ်ဖို့ ကြိုးစားမှာလဲဆိုတာကို မားကတ်တင်းသမားတွေ ဂရုပြုမိရင် စားသုံးသူနဲ့  မားကတ်တင်းသမားတို့ ကြားက ခိုင်မာတဲ့ကြိုးဟာ ချစ်ခြင်းဆိုတာ ငြင်းစရာမဟုတ်ပါဘူး။
အမှတ် (၂) - ရှင်းလင်းစွာ တူညီတဲ့ နားလည်မှုရှိတဲ့ ဝန်ထမ်းများ
ဘောလုံးအသင်းတစ်သင်းကို ဥပမာထားရင် ကစားသမားတွေမှာ နောက်တန်း၊ အလယ်တန်း၊ ရှေ့ တန်းတာဝန်တွေကို အရင်ကခွဲထားတဲ့ ဗျူဟာ (MBO - Management By Objectives) ကနေ အခုဆိုရင် ကစားသမားတိုင်းဟာ အရေးကြုံရင် ဂိုးသွင်းနိုင်တဲ့ စွမ်းရည်ရှိရမယ်ဆိုပြီး (Transformational Leadership) ပြောင်းလဲလာပါတယ်။ လက်ခံဖို့ ခက်ခဲတဲ့ ဗျူဟာတွေကို သဘာဝတရားရဲ့ သဘောကိုသာ နားလည်မယ်ဆိုရင် လက်ခံနုိုင်မယ်လို့ ဆိုပါတယ်။ စီးပွားရေးပညာအရလည်း ဒီလူမရှိလို့ ၊ ဟိုလူမရှိလို့ ဆိုတာမျိုး မရှိရအောင် ပြင်ဆင်ထားဖို့ လိုပါလိမ့်မယ်။ မားကတ်တင်းကလည်း အခြားဌာနတွေရဲ့ လုပ်ငန်းဆောင်တာတွေကို နားလည်ကာ အချိန်မရွေး အစားထိုးနိုင်တဲ့ စွမ်းရည်ရှိဖို့ လိုပါတယ်။ ဒါဆိုရင် လူတိုင်းကလည်း မားကတ်တင်းကို နားလည်မှ ရမှာပါ။ လူတိုင်းဟာ မားကတ်တင်းပါ။ လူတိုင်းဟာလည်း အမှုဆောင်အရာရှိဖြစ်သလို အမှုဆောင်အရာရှိကလည်း ဝန်ထမ်းတစ်ဦးပါပဲ။
မတူညီမှုတွေနဲ့ ဖွဲ့ စည်းတည်ဆောက်ထားတဲ့ လောကကြီးမှာ မတူတာတွေကို နားလည်ဖို့ လိုပါတယ်။
အမှတ် (၃) - အမြတ်ရမယ့် ဖော်မြူလာ
Profit Growth = B + BA + TTF
အမြတ်ရဖို့ ဆိုတာ ရောင်းကောင်းဖို့ ပဲလိုတယ်လို့  စီးပွားရေးနဲ့  မသက်ဆိုင်သူတောင် သိပါတယ်။ ဒါပေမဲ့ ဒီလုိုပဲနားလည်ယုံ သက်သက်ဆိုလို့ ကတော့ သာမန်ကုန်သည်လေးတစ်ဦးလိုသား အလုပ်ဖြစ်မှာပါ။ အမှန်တကယ် အမြတ်ရဲ့  တိုးတက်မှုနှုန်း မြင့်တက်ဖို့ ဆိုတာကတော့
(၁) စားသုံးသူဝယ်ဖို့ လို ပါတယ် (Buy=B)
(၂) တခါဝယ်သွားတဲ့ စားသုံးသူ နောက်တစ်ကြိမ် ထပ်ဝယ်ဖို့ က ပိုအရေးကြီးပါတယ် (Buy Again=BA)
(၃) အရေးအကြီးဆုံးကတော့ ပုံမှန် ဖောက်သည်တွေ စိတ်ကျေနပ်ပြီး သူတို့ ရဲ့  မိတ်ဆွေတွေကို ကောင်းသတင်းဖြန့် ဝေပေးဖို့ လုိုပါတယ် (Tell Their Friend=TTF)
ဒါကြောင့် ဖောက်သည်ဝန်ဆောင်မှုနဲ့  မားကတ်တင်းလှုပ်ရှားမှုတွေက သူတို့ ဝယ်ဖို့ သာ (နံပါတ် ၁) ဖြစ်စေပြီး နောက်ထပ်အရောင်းတွေလိုချင်တယ်ဆိုရင်တော့ စားသုံးသူကို နားလည်ဖို့ ၊ သူတို့ ရဲ့ အချက်အလက်တွေနဲ့  ဗျူဟာတွေက အခရာကြလာသလို နောက်ဆုံးအဆင့်ကိုရဖို့ က Word of Mouth ကို သွားမယ့် မီဒီယာမှာလည်း မားကတ်တင်းသမားတွေ ကျင်လည်ဖို့ လိုပါတယ်။ သေချာပါတယ် Word of Mouth ကို အဓိက ဆိုရှယ်မီဒီယာကသာ အများဆုံးရနိုင်ပါတယ်။
သတိပြုရမှာက ကောင်းသတင်းတင် ပျံ့ နှံ့ တတ်တာမဟုတ်ပဲနဲ့  သူတို့ စိတ်ကျေနပ်မှုမရရင်လည်း ပြောဖို့ ဝန်မလေးနိုင်ပါဘူး။
အမှတ် (၄) - အရှုံး အမြတ် ဖော်မြူလာသစ်
ဝင်ငွေကို ဘယ်လုိုလုပ်ရင် များများရလဲဆိုရင် များများရောင်းရင် ရတယ်ဆိုတဲ့ ရှေးကျတဲ့ ဖော်မြူလာကနေ ပြောင်းလဲလာတာက ဒီလိုပါ
Buy = 30$
Buy Again = 50$
Tell Their Friends = 100$
Total = 180 $
(6 Times of 30$)
ဒါကို အခြေခံစဉ်းစားရင် ကျနော်တို့  ဘယ်နေရာမှာ အဓိကအားစိုက်သင့်သလဲဆိုတာ ရှင်းပါတယ်။ Social Media ဟာ ဈေးရောင်းတဲ့နေရာ မဟုတ်ပေမဲ့ သေချာ စီမံခန့် ခွဲနိုင်ရင် လူသတင်း လူချင်းဆောင်ကာ သာမန် ဝင်ငွေထက် (၆)ဆမက ပိုရနိုင်သလို ဆိုရှယ်မီဒီယာမှာ အသုံးချတဲ့ အချိန်ကိုလည်း ငွေကြေးကုန်ကျစရိတ် တစ်ခုလို သုံးသပ်ရမှာပါ။
အမှတ် (၅) - ဝန်ထမ်းတွေရဲ့  အပြုအမူတိုင်းဟာ မားကတ်တင်း
ပျော်ရွှင်တဲ့ ဝန်ထမ်းတွေဟာ ပျော်ရွှင်တဲ့ စားသုံးသူတွေကို ဖန်တီးပေးပါတယ်။ မိမိလုပ်ငန်းခွင်ကို ချစ်မြတ်နိုးမှု၊ အချင်းချင်းနားလည်မှု၊ လွတ်လပ်တဲ့ စိတ်ခံစားမှု၊ ကောင်းမွန်တဲ့ စိတ်ထား စတာတွေ အားလုံးအားလုံးက မားကတ်တင်းလှုပ်ရှားမှုတွေပါပဲ။ နောင်တချိန်မှာ ကုန်ပစ္စည်းရဲ့ အမှတ်တံဆိပ်နဲ့ တန်ဖိုးဆိုတာ သိသာစွာ ကွဲပြားလာပါလိမ့်မယ်။ ပြီးရင် တကယ်အောင်မြင်တဲ့ Brand တွေမှာ အမှတ်တံဆိပ်တောင် မပါတော့ဘူး (Lack of Logo) လို့ တောင် ပညာရှင်တွေက ဆိုလာကြပါတယ်။ စားသုံးသူက အရေးကြီးပါတယ်။ ဒါပေမဲ့ ဝန်ထမ်းတွေက ပိုပြီး အရေးကြီးလာပါလိမ့်မယ်။ သူတို့ ကိုယ်တိုင် သဘောတရားတွေကို နားလည်မှသာ အောင်မြင်တဲ့ ကုန်ပစ္စည်းတွေ တည်ဆောက်လာနိုင်မှာပါ။ သူတို့ လုပ်သမျှ လှုပ်ရှားမှုတွေဟာ ကုမ္ပဏီရဲ့  ပုံရိပ်တွေပါ။
အမှတ် (၆) - အကျိုးအကြောင်း တွေ့ အောင်ရှာပါ
ဘယ်လို အရာမျိုးမှ သူ့ အလိုလို ဖြစ်လာမှာ မဟုတ်ပါဘူး။ စကားတစ်ခွန်း ရှိပါတယ်။ ကြီးမားတဲ့ အောင်မြင်မှုတစ်ခုလိုချင်ရင် ထုိုက်တန်တဲ့ ပေးဆပ်မှုရှိမှရပါတယ်။ လုပ်ငန်းရဲ့  ပြောင်းလဲမှု၊ ထူးခြားမှုတိုင်းကို အသေးစိတ် ဆန်းစစ်ဖို့ အရမ်းအရေးကြီးပါတယ်။ အရောင်းတစ်ခုဖြစ်တုိုင်းမှာ ဘယ်သူဝယ်တယ်၊ ဘယ်သူ ငွေကြေးထုတ်ပေးတယ်၊ ဘယ်သူ ညွှန်လိုက်တယ်၊ ဘယ်သူက ထောက်ခံတယ်၊ ဘယ်လိုသိတယ် စတာတွေကို အသေးစိတ် လေ့လာဖို့ လိုပါတယ်။ ဘယ်လောက်နည်းတဲ့ ဝင်ငွေကိုမဆို အသေးစိတ် ဆန်းစစ်ပါ။ ထောက်ခံသူ၊ လမ်းညွှန်ပေးသူတွေကို သတိလက်လွတ်မဖြစ်ဖို့ လိုပါတယ်။ သူတို့ က မိမိရဲ့ မားကတ်တင်းတွေပါပဲ။ သူတို့ ကို ငွေးကြေး အရပဲ မဟုတ်တဲ့ မက်လုံး (Incentive that not means only financial) တွေဖန်တီးပေးရင် သူတို့ က ပိုပြီး ကူညီပါလိမ့်မယ်။
"ငုပ်မိသဲတိုင် တက်နိုင်ဖျားရောက်" ပါ။ အခြေခံကျတဲ့အထိ ဆန်းစစ်သုံးသပ်ပေးပါ။
အမှတ် (၇) - ???
ဒီနေရာမှာ အဆုံးအဖြတ်ပါ။ အမှတ် (၇) က အရမ်းအရေးကြီးပါတယ်။ Nike ရဲ့  ဆောင်ပုဒ်လေးကို အမှတ်ရစရာပါ။
"Yesterday, you said tomorrow!"
မနေ့ ကလည်း မနက်ဖြန်မှလုပ်မယ် ပြောခဲ့တာပါပဲ။ ဒါဆိုရင် ဘယ်လိုနည်းနဲ့ မှ ဘာအကျိုးမှ မရှိနိုင်ပါဘူး။ အောင်မြင်မှု၊ ကျဆုံးမှု (Boom or Bust) ကို ဆုံးဖြတ်ပေးဖို့ ရာ အရင်ဆုံး ချက်ချင်းလုပ်ဖို့ ပဲလိုတာပါ။
JUST DO IT !မနက်ဖြန်မှ လုပ်မယ်မပြောဘဲ ခုချက်ချင်းလုပ်လိုက်ပါ။

Marketing သမားကောင်းတွေဖြစ်ကြပါစေဗျာ
မောင်သက်နောင် - ဟင်္သာတ တက္ကသိုလ်
credit: ဒေါက်တာထက်ဇံလင်း

Online လောကဟာ အပြိုင်အဆိုင် တော်တော်များတဲ့လောကဖြစ်ပါတယ်။ ဒီလောကမှာ လူသိများဖို့အတွက် ပုံမှန်အားဖြင့် ပိုက်ဆံတော်တော်များများ သုံးရလေ့ရှိပါတယ်။ ဒါပေမယ့် အခုမှ စပြီးထောင်တဲ့ လုပ်ငန်းမျိုးတွေ၊ အမြတ်သိပ်မရသေးတဲ့ လုပ်ငန်းတွေမှာဆိုရင်တော့ တစ်လတစ်လ ဒေါ်လာထောင်ချီ သုံးဖို့ မလွယ်ကူဘူးပေါ့။ ဒီလိုမျိုးအခြေအနေဖြစ်နေပြီဆိုရင်တော့ ဒီအချက် (၄) ချက် လုပ်ဆောင်ခြင်းဖြင့် ပိုက်ဆံများများမကုန်ဘဲ လူသိများလာစေမှာဖြစ်ပါတယ်။

(၁) သင့်ရဲ့ Social Media account တွေမှာ Product တွေ Service တွေချည်းပဲ တင်မနေပါနဲ့။

သင့်ရဲ့ Facebook page တစ်ခုလုံးမှာ သင်ရောင်းတဲ့ ပစ္စည်းတွေ၊ ဝန်ဆောင်မှုတွေအကြောင်းချည်းပဲ တောက်လျှောက်တင်နေရင် သင့်ရဲ့ page ကြီးက အရမ်းကိုပျင်းဖို့ကောင်းနေမှာပါ။ ဒီနေ့ခေတ်မှာ Brand တွေဟာ Social Media မှာ active အရမ်းဖြစ်ကြတယ်ဆိုပေမယ့် ဈေးချည်းပဲရောင်းနေတာမဟုတ်ပါဘူး။ တခြား Engage ဖြစ်နိုင်တဲ့ Content တွေနဲ့ တွဲဖက်ပြီး တင်ဆက်နေကြတာဖြစ်ပါတယ်။ အများစု Recommend ပေးတာကတော့ 80 – 20 rule လို့ခေါ်တဲ့ စိတ်ဝင်စားဖွယ်အကြောင်းအရာ 80% တင်ရင် ကိုယ့်ရဲ့ ကုန်ပစ္စည်းအကြောင်းကို 20% ပဲ တင်တာ အကောင်းဆုံးပါပဲ။ (Social Media Marketing နဲ့ ပတ်သက်ရင် ကျွန်တော့်သူငယ်ချင်းတွေ တည်ထောင်ထားတဲ့ Digital Wave လုပ်ငန်း၊ ဖုန်းနံပါတ် 09 7777 333 80 မှာ အခမဲ့ တိုင်ပင်စုံစမ်းနိုင်ပါတယ်။ ကျွန်တော်သိသမျှ SME နဲ့ ပတ်သက်တဲ့ ဝန်ဆောင်မှုတွေထဲမှာ သူတို့လဲ ဈေးအတန်ဆုံးနဲ့ အကောင်းဆုံးထဲကပါပါတယ်။)

(၂) Backlink တွေ မဝယ်ပါနဲ့။

ဒါကတော့ SEO နဲ့ ပတ်သက်ပါတယ်။ Website တွေဟာ ကိုယ့်ရဲ့ page တွေ Google Search မှာ Rank တက်အောင်လို့ backlink တွေ ဝယ်တတ်ကြပါတယ်။ တကယ်တော့ backlink ရဲ့ အကျိုးသက်ရောက်မှုက ပြောင်းပြန်ပါပဲ။ တကယ်က link ဘယ်လောက်များသလဲ ကြည့်တာမဟုတ်ပါဘူး၊ Link ရဲ့ quality ကသာ အရေးကြီးတာဖြစ်ပါတယ်။ ဒါကြောင့် Backlink ဝယ်ယူခြင်းကို ရှောင်ကြဉ်သင့်ပါတယ်။

(၃) Instagram ကို သွားဖို့ ကြိုးစားပါ။

Instagram ဟာ တကယ်တော့ ရတနာသိုက်တစ်ခုပါပဲ။ လုပ်ငန်းတော်တော်များများဟာ Facebook မှာပဲ ရင်းနှီးမြှုပ်နှံနေကြတဲ့အချိန်မှာ အသုံးပြုသူ သန်း ၃၀၀ ကျော်ရှိတဲ့ Instagram ဟာ အမေ့ခံလိုဖြစ်နေပါတယ်။ တကယ်တော့ ဒီ user အရေအတွက်နဲ့ဆိုရင် သင့်လုပ်ငန်းကို တိုးတက်အောင် လုပ်ဖို့ အကောင်းဆုံး Channel တွေထဲမှာ Instagram လဲ ပါပါတယ်။ Instagram နဲ့ သင့်တော်တဲ့လုပ်ငန်းတွေကတော့ ဖက်ရှင်လုပ်ငန်း၊ Gym လုပ်ငန်း၊ Birthday Gift and Floral Service လို လုပ်ငန်းမျိုးတွေ၊ စားသောက်ကုန်နဲ့ စားသောက်ဆိုင်လုပ်ငန်းတွေ၊ ဓာတ်ပုံရိုက်ပြီး တင်ရင် လှနိုင်မယ့် လုပ်ငန်းအမျိုးအစား တော်တော်များများ သင့်တော်ပါတယ်။

(၄) သင့်စီးပွားရေး လုပ်ငန်းနဲ့ ကိုက်ညီမယ့် Domain ကိုရွေးချယ်ပြီး website တစ်ခုလောက် တည်ထောင်ထားပါ။

တကယ်တော့ Social Media မှာပဲ လှုပ်ရှားနေပြီး website မရှိဘူးဆိုတာက လုပ်ငန်းအချို့အတွက်ပဲ အဆင်ပြေစေနိုင်ပါတယ်။ အထူးသဖြင့် အများနဲ့ချိတ်ဆက်ဆောင်ရွက်ရတဲ့ လုပ်ငန်းမျိုးတွေမှာ website တစ်ခုရှိမှ လူရှိန်မှာပါ။ နောက်ပြီး Social Media ဆိုတာ Data ပြန်လည်ရှာဖွေဖို့ ခက်ခဲတဲ့အတွက် website တစ်ခုတော့ တည်ထောင်ထားသင့်ပါတယ်။
Digital Media လောကဟာ တကယ်ကို ပြိုင်ဆိုင်မှုပြင်းထန်ပါတယ်။ Digital ခေတ်မှာ ကုန်ကျစားရိတ် နည်းနည်းနဲ့ ထိရောက်စွာ ထိုးဖောက်ချင်သူတွေအတွက် ဖောက်သည်ချ တင်ပြလိုက်ပါတယ်။

မောင်သက်နောင် (ဟင်္သာတ တက္ကသိုလ်) 
Credit...... 
အောင်မွန်ချမ်း (Myanmar Leaders)

Market ချဲ့ထွင်နည်းများ

၁။ ဈေးကွက်ကိုထိုးဖောက်ခြင်းနည်း (Market Penetration)

ဒီနည်းကတော့ ပူးတွဲပါပုံမှာမြင်ရတဲ့ အတိုင်း ရှိပြီးသားဈေးကွက်မှာ ရှိပြီးသား ကုန်စည်ကို လူအများပိုမိုသိရှိသုံးစွဲလာ အောင် ပစ္စည်းကို ပိုမိုလက်ခံလာအောင် ပြုလုပ်တဲ့နည်းပါ။ မိမိရဲ့ပစ္စည်းဟာ သဘာဝအရ ဆန်းသစ်တီထွင်ရန် အခွင့်အလမ်းနည်းသည့်ပစ္စည်းမျိုး (ဥပမာ-ဘုန်းကြီးသင်္ဃန်း) ဆိုလျှင် ဈေးကွက်အတွင်းရှိ အခြားပြိုင်ဖက် များထက်သာလွန်သည်ဟု ဝယ်သူထင်မှတ်လာစေရန် မီဒီယာမျိုးစုံကိုအသုံး ပြုကြော်ငြာတဲ့နည်းလမ်း (Heavily Advertising)ကိုလုပ်ကြပါ တယ်။

 

၂။ ထုတ်ကုန်အဆင့်မြှင့်တင်ခြင်းနည်း (Product Development)

ရှိပြီးသားဈေးကွက်အတွင်းမှာ မိမိထုတ် ကုန်ကို အရည်အသွေးပိုင်းဆိုင်ရာအ ဆင့်မြှင့်တင်ပြီး လူကြိုက်များလာအောင် လုပ်တဲ့နည်းပါ။ လက်ရှိစားသုံးသူများတွေ့ကြုံ နေရသည့် အခက်အခဲများကိုဖြေရှင်းပေးရန် (သို့မဟုတ်) လက်ရှိပစ္စည်းထက်

ပိုပြီးလွယ်ကူချောမွေ့ လုံခြုံ အဆင်ပြေ တဲ့ပစ္စည်း ဒါမှမဟုတ် ပုံစံဒီဇိုင်းဆန်းသစ်တဲ့ပစ္စည်း လုပ်ဆောင်ချက် ပိုမိုကောင်းမွန်တဲ့ ပစ္စည်းများကိုပြုလုပ်ပြီး ပြိုင်ဖက်ပစ္စည်း ကိုစွန့်လွှတ်ပြီး ဆန်းသစ်တီထွှင်ထား သည့်မိမိ၏ပစ္စည်းကိုသုံးစွဲလာစေရန် ဆွဲ ဆောင်သည့်နည်းလမ်းဖြစ်သည်။ ပစ္စည်းအမျိုးအစားအရ ဆန်းသစ်တီထွှင် ရန်အခွင့်အလမ်းရှိပြီး မိမိကလဲ ဆန်းသစ်တီထွှင်နိုင်စွမ်းရှိရပါမည်။

 

၃။ ဈေးကွက်အသစ်ရှာဖွေခြင်း (Market Development)

ရှိပြီးသားကုန်စည်အတွက် ဈေးကွက်အ သစ်ချဲ့ထွင်ရှာဖွေနည်းပါ။ သုံးနည်းရှိပါတယ်။

 

၁။ နေရာဒေသသစ် (New region) သို့ဝင်ရောက်ဈေးကွက်ချဲ့ထွင်ခြင်းဖြစါတယ်။ ဥပမာ ရန်ကုန်မှာလူကြိုက်များတဲ့ (YKKO) ကြေးအိုးဆိုင်တွေကို တစ်နိုင်ငံလုံးအနှံ့ လိုက်လံချဲ့ထွင်လိုက်တာမျိုးပေါ့။ အရိုးရှင်းဆုံးနည်းပါ။ ဒါပေမယ့် အရင်းအနှီးထပ်မံတိုးချဲ့မြှုပ်နှံနိုင်ရ ပါမယ်။

 

၂။ ဝယ်ယူသူအုပ်စုအသစ် (New group) ကိုစွဲဆောင်ခြင်းဖြစ်သည်။ Johnson & Johnson က ကလေးသုံး ပစ္စည်းတွေကို လူလတ်ပိုင်း (Older Adults ) အသက် ၄၀/၅၀ များသုံးစွဲလာစေရန် ဆွဲဆောင်ခြင်း (Idea marketing) နည်းလမ်းပါ။ အသက်ကြီးလာတဲ့အခါလူတွေရဲ့အသား အရေဟာကလေးငယ်များလိုပြန်ဖြစ်လာ ပြီးကလေးသုံးဆပ်ပြာ ပေါင်ဒါ မျက်နှာသစ်ဆေးတို့ကို အသုံးပြုသင့် ကြောင်း စိတ်ကူးစိတ်သန်းထည့်ပေး တဲ့နည်းမျိုးပေါ့။

 

၃။အသုံးဝင်မှုအသစ် (New use) ကိုရှာဖွေခြင်းပါ။ ဥပမာ မော်တော်ဆိုင်ကို သုံးဘီးဆိုင်ကယ်ဖြစ်အောင်ပြုပြင်လိုက်ခြင်းမျိုးပေါ့။

 

၎။ ပစ္စည်းသစ်ဈေးကွက်သစ်ထိုးဖောက်နည်း (Diversification)

သူကတော့ ကုန်ပစ္စည်းအသစ်ကို ဈေးကွက်အသစ်ရှာပြီးထိုးဖောက်နည်းပါ ဈေးကွက်အတွက် လိုအပ်တဲ့အချက်လက်တွေ ရှာဖွေစုဆောင်းသုံးသပ်ပြီး ဈေးကွက်ချဲ့ ထွင်ရေးဗျူဟာများဆုံးဖြတ်ဆောင်ရွက်ရပါသည်။

 

၁။ ကုန်ကြမ်းကိုအခြား (Supplier) ထံမှ ဝယ်ယူနေရာမှ ကိုယ်တိုင်ကုန်ကြမ်းပြု လုပ်ပြီးထိုကုန်ကြမ်းကိုမိမိကိုယ်တိုင် အသုံဗးပြုယုံသာမက မိမိကဲ့သို့အသုံး ပြုနေရသောအခြားလုပ်ငန်းများသို့ ရောင်းချခြင်း။

 

၂။ မိမိ၏လက်ရှိလုပ်ငန်းနှင်ဆက်စပ် သည့်လုပ်ငန်းတစ်ခုကိုထပ်မံတိုးချဲ့ခြင်း။ ဥပမာ-ဥပမာသုံးစွဲရသည့်ပရဆေးပစ္စည်း တူညီမှုကိုအကြောင်းပြု၍ ဆေးဝါးထုတ် လုပ်နေရာမှ အလှကုန်အဖြစ်တိုးချဲ့ထုတ်လုပ်ခြင်းမျိုး။

 

၃။ လက်ရှိလုပ်နေသည့်အလုပနှင့် လုံးဝ အဆက်အစပ်မရှိသော လုပ်ငန်းကို ဈေးကွက်အခွင့်အလမ်း အလားလာကောင်းခြင်းကြောင့် တိုးချဲ့ခြင်းမျိုးဖြစ်သည်။ ဥပမာ- စားသောက်ကုန်လုပ်ငန်းအပြင် ဆောက်လုပ်ရေးလုပ်ငန်းပါ ဝင်ရောက်လုပ်ကိုင်ခြင်းမျိုးဖြစ်ပါသည်။

 

၎။ လက်ရှိလက်လုပ်ငန်းနှင့် ဆက်စပ်မှုမရှိသော်လည်း လက်ရှိ Customer များအတွက် လုပ်ငန်သစ်ချဲ့ထွင်ခြင်း။ ဥပမာ-ဟိုတယ်ဆောက်လုပ်ပေးရာမှ ရရှိလာသော ဟိုတယ်လုပ်ငန်းရှင်များ အတွက်လိုအပ်သော ပရိဘောဂ များ ပေးသွင်းရန် ပရိဘောဂ လုပ်ငန်းသစ် တည်ထောင်လုပ်ကိုင်ခြင်းမျိုး။

 

အထက်ဖော်ပြခဲ့သော ဈေးကွက် ထိုးဖောက်နည်းများမှ မိမိလုပ်ငန်း အရင်းအနှီးပမာဏ ကုန်ပစ္စည်းအမျိုး အစားပေါ်မူတည်၍ အဆင်ပြေမည့် နည်းကိုအသုံးပြု ဆောင်ရွက်ကြခြင်းဖြင့် အောင်မြင်နိုင်ကြပါစေကြောင်း ဆုတောင်းပေးလိုက်ပါသည်။

 

 လေးစားလျှက်

မောင်သက်နောင်

credit: Free Learning Management - Myanmar

Social Media နဲ့ ပတ်သက်ပြီး သင့်လုပ်ငန်းတိုးတက်အောင် လုပ်ဆောင်သင့်တဲ့ အချက် (၅) ချက် (၂၀၁၆)

Social Media တွေဟာ ကျွန်တော်တို့ရဲ့ နေ့စဉ်ဘဝမှာ ပိုပိုပြီး နေရာရယူလာပြီဖြစ်ပါတယ်။ မနက်မိုးလင်းကနေ မိုးချုပ်ထိ Facebook သုံးနေသူတွေ၊ ဘယ်နေရာရောက်ရောက် ဘာပုံပဲရိုက်ရိုက် Facebook နဲ့ Instagram မှာ ပုံမှန်တင်နေသူတွေ၊ အလုပ်သစ်ရှာဖွေဖို့ LinkedIn ကို အသုံးပြုလာသူတွေ တစ်နေ့ထက်တစ်နေ့ ပိုမိုများပြားလာနေပြီဖြစ်တဲ့ အချိန်မှာ Social Media တွေဟာ သုံးတတ်မယ်ဆိုရင် စီးပွားရေးလုပ်ငန်းတွေအတွက် အလွန်ထိရောက်တဲ့ Marketing Tool တွေ ဖြစ်လာနေပြီဖြစ်ပါတယ်။ ဒီတော့ အခု ၂၀၁၆ ကနေစပြီး Social Media ကိုအသုံးပြုပြီး လုပ်ငန်းတိုးတက်လာအောင် လုပ်ဆောင်နိုင်မယ့် အချက် (၅) ချက်ကို ရေးသားပေးလိုက်ပါတယ်။

(၁) Social Media ဟာ သိပ်ကောင်းတဲ့ Customer Service Tool တစ်ခုပါ။

Brand တစ်ခုခုနဲ့ ပတ်သက်လို့ပဲဖြစ်ဖြစ်၊ မရှင်းလင်းတာတစ်ခုခုရှိလို့ပဲဖြစ်ဖြစ်၊ လူတွေဟာ Social Media ကို အသုံးပြုပြီး Brand တွေနဲ့ ဆက်သွယ်ဖို့ ကြိုးစားလာနေပြီဖြစ်ပါတယ်။ ဒီအချက်ကြောင့်ပဲ Social Media တွေဟာ Brand တွေအတွက် အကောင်းဆုံး CRM Tool တွေ ဖြစ်လာနေတာဖြစ်ပါတယ်။ Social Media မှတဆင့် ကိုယ့်ဖောက်သည်တွေနဲ့ ထိတွေ့ဆက်ဆံပေးမယ်၊ ပြဿနာတွေကို ဖြေရှင်းပေးမယ်၊ သိသင့်သိထိုက်တဲ့ သတင်းထုတ်ပြန်မှုတွေကို အချိန်နဲ့တပြေးညီလုပ်ဆောင်ပေးမယ်ဆိုရင် ဖောက်သည်တွေအနေနဲ့ Brand အပေါ်မှာ ယုံကြည်မှု၊ ရင်းနှီးမှုတွေ တိုးတက်လာမှာဖြစ်သလို အရောင်းအဝယ်တွေလဲ ပိုမိုကောင်းမွန်လာမှာဖြစ်ပါတယ်။ ဥပမာအားဖြင့် မြန်မာနိုင်ငံရဲ့ KFC Facebook Page ဟာဆိုရင် Customer တွေနဲ့ ရင်းနှီးမှု တည်ဆောက်ပြီး Brand ရဲ့ ပုံရိပ်တိုးတက်အောင် လုပ်ဆောင်နိုင်နေတဲ့ သာဓကတစ်ခုဖြစ်ပါတယ်။

Advice: Social Media ကို အသုံးပြုပြီး Customer Service ကို အကောင်းဆုံး နဲ့ အမြန်ဆုံး ဖြစ်အောင် ကြိုးပမ်းပါ။

(၂) Content ဟာ ဘုရင်ဖြစ်နေဆဲပါ။

ကျွန်တော်တို့တွေ Social Media သုံးရတဲ့ ရည်ရွယ်ချက်ဟာ အဓိကအားဖြင့် Content ကြောင့်ပါ။ ကားအကြောင်း စိတ်ဝင်စားသူတွေက ကားနဲ့ပတ်သက်တဲ့ Facebook page တွေကို Like လုပ်မယ်၊ ကားနဲ့ ပတ်သက်တဲ့ Group တွေထဲကို ဝင်ထားမယ်၊ ရုပ်ရှင်အကြောင်း စိတ်ဝင်စားသူတွေက ရုပ်ရှင်အကြောင်း ဆွေးနွေးတာတွေကိုဖတ်မယ်၊ သူငယ်ချင်းတွေရဲ့ ရုပ်ရှင်အကြောင်းပြောတာတွေကို ဝင်ဆွေးနွေးမယ်၊ အစားအသောက်စိတ်ဝင်စားသူတွေက ဟင်းချက်နည်း စာမျက်နှာတွေ၊ ဆိုင်တွေကို လိုက်ရှာမယ်၊ အဓိက ရည်ရွယ်ချက်ကို စဉ်းစားကြည့်မယ်ဆိုရင် Content ပါပဲ။ ဒါကြောင့် Brand တွေဟာ ကိုယ့်ရဲ့ Customer တွေကို သူတို့စိတ်ဝင်စားမယ့် Content တွေနဲ့ ဆွဲဆောင်ဖို့ တစ်စထက်တစ်စ ပိုပြီးကြိုးပမ်းလာကြတာဖြစ်ပါတယ်။ ဒီနေရာမှာ သတိထားသင့်တာကတော့ 80:20 Rule လို့ခေါ်တဲ့ Rule လေးတစ်ခုပါ။ Brand တွေအနေနဲ့ Content တွေဖန်တီးတဲ့နေရာမှာ 80% သော Content တွေက စိတ်ဝင်စားဖွယ်၊ ပြန်လည်မျှဝေနိုင်ဖွယ်ရှိတဲ့ Content တွေကို ဖန်တီးသင့်ပြီး ကျန်တဲ့ 20% ကသာ Promotion နဲ့ Product တွေအကြောင်း ဖြစ်သင့်ပါတယ်။ Product တွေအကြောင်းပဲ အမြဲတမ်း ပြောနေပြီး အတင်းထိုးရောင်းနေတဲ့သဘောမျိုးဖြစ်နေမယ်ဆိုရင်တော့ သင့်ရဲ့ Customer တွေကို အဝေးကို သင်ကိုယ်တိုင် မောင်းထုတ်နေသလိုဖြစ်နေပါလိမ့်မယ်။

Advice: သင့်ရဲ့ Target Audience နဲ့ ကိုက်ညီသော စိတ်ဝင်စားစရာ၊ မှတ်သားစရာ၊ ပြန်လည်မျှဝေစရာ Content တွေကို အများစုဖန်တီးပါ။ ဒီထဲမှာမှ သင့်ရဲ့ Product နဲ့ Promotion တွေကို အချိုးကျကျ ထည့်သွင်းပါ။

(၃) Content က ဘုရင်ဆိုရင် Emotion က ဘုရင်မပါ။

လူတွေဘာကြောင့် Social Media ပေါ်က Content တွေကို ပြန်လည်မျှဝေပါသလဲ။ ဘာကြောင့် Like လုပ်ပါသလဲ။ ဘာကြောင့် သူတို့ရဲ့ မှတ်ချက်တွေကို ဝင်ရေးသားပါသလဲ။ စိတ်ခံစားမှု (Emotion) ကြောင့်ပါ။ ကြောင်လေးတစ်ကောင်ရဲ့ ပုံကို Like နဲ့ Share လုပ်လိုက်တယ်ဆိုတာ ချစ်ဖို့ကောင်းလို့ပါ။ ပျင်းလို့မဟုတ်ပါဘူး။ တစ်နေရာရာကို ခရီးသွားတဲ့ Post လေးကို Share ပြီး “သွားချင်လိုက်တာ” လို့ ရေးလိုက်တယ်ဆိုတာ တကယ်သွားချင်လို့ပါ။ ဒေါသထွက်စရာ Status တစ်ခုအောက်မှာ ဝင်ပြီး အပြန်အလှန် ရေးသားကြတာ ဒေါသထွက်လို့ပါ။ ဆိုလိုတဲ့သဘောက Social Media ပေါ်က Action တွေဟာ စိတ်ခံစားမှုတစ်ခုခုကို အခြေခံတာများပါတယ်။ ဒီအချက်ဟာ သုံးတတ်မယ်ဆိုရင် Brand တွေအတွက်ရွှေပါပဲ။

Advice: သင့်ရဲ့ Customer တွေကို သင့် Content မှတဆင့် တစ်ခုခု ခံစားမိပါစေ။ သင့်ရဲ့ Content နေရာအနှံ့ပျံ့နှံ့သွားဖို့ ကျွန်တော်အာမခံပါတယ်။

(၄) သင့်ရဲ့ Content အတွက်လိုအပ်တဲ့ အာဟာရတွေ အကုန်တိုက်ကျွေးပါ။

အပေါ်ကပြောခဲ့တဲ့အချက်တွေအတိုင်းလုပ်မယ်ဆိုရင် သင့်ရဲ့ Brand ဟာ တကယ်မိုက်တဲ့ Content  တွေကို ဖန်တီးနေနိုင်ပါလိမ့်မယ်၊ Customer တွေကလဲ Social Media မှတဆင့် သင်နဲ့ ဆက်သွယ်ဖို့ အဆင်သင့်ဖြစ်နေပါပြီ။ ဒါပေမယ့် သင့် Facebook Page မှာ Like 100 ပဲရှိတယ်။ သင့် Twitter အကောင့်မှာ Follower 2 ယောက်ပဲရှိတယ်။ Instagram မှာဆို တစ်ယောက်မှတောင်မရှိဘူး။ ကဲ ဘယ်လိုလုပ်ကြမလဲ.. “80% of the business is showing up” ဆိုတဲ့စကားရှိပါတယ်။ ကျွန်တော်တို့မှာ လုံလောက်တဲ့ Audience မရှိဘဲ ကျွန်တော်တို့ သိပ်ဝေးဝေးရောက်မှာမဟုတ်ပါဘူး။ ဒါကြောင့် သင့်ရဲ့ Content အတွက်လိုအပ်တဲ့ အခြားအထောက်အကူပြုအချက်တွေ အားလုံးရှိနေဖို့လိုပါတယ်။ Facebook page မှာ လုံလောက်တဲ့ Like အရေအတွက်ရှိရမယ်၊ ကိုယ့် Brand နဲ့ ကိုက်ညီတဲ့ Hushtag တွေ သုံးရမယ်၊ Boost လုပ်သင့်တာတွေကို လုပ်ရမယ်၊ Social Media Specific Campaign တွေလုပ်သင့်ရင်လုပ်ရပါလိမ့်မယ်။ ဒါမှသာ သင့်ရဲ့ Content ရဲ့ စွမ်းဆောင်ရည်တိုးတက်လာမှာဖြစ်ပြီး သင်လိုချင်တဲ့ Target ကိုရောက်မှာဖြစ်ပါတယ်။

Advice: လိုအပ်တဲ့ Audience အရေအတွက် ရရှိအောင် ကြော်ငြာထည့်သွင်းခြင်း၊ ပြိုင်ပွဲကျင်းပခြင်း၊ လတ်တလောဖြစ်ပျက်နေတဲ့အကြောင်းရင်းကို သိအောင်လုပ်ပြီး လိုက်လျောညီထွေဖြစ်မယ့် Content မျိုးဖန်တီးခြင်း၊ Hushtag ထည့်သွင်းခြင်း အစရှိတဲ့ အချက်တွေနဲ့ သင့်ရဲ့ Content ကို ဝေးနိုင်သမျှ အဝေးဆုံးရောက်အောင် ပို့ပေးပါ။

(၅) သင့်လျော်ရာလက်နက်ကို ရွေးချယ်သုံးစွဲပါ။

ဒီနေ့ခေတ်ဟာ အချိန်ရှားပါးတဲ့ကာလဆိုတာ ဟုတ်ပါတယ်။ ဒါကြောင့်လဲ Social Media ပေါ်မှာ Brand တွေဟာ Post အတိုလေးတွေကို ပိုပိုပြီး သုံးလာကြတာဖြစ်ပါတယ်။ ဒါပေမယ့် တိုတိုင်းလဲမကောင်းပါဘူး။ တစ်ခါတစ်ရံမှာ အကြောင်းအရာတစ်ခုကို ရှင်းပြဖို့အတွက် အခုသင်ဖတ်နေရတဲ့ Post လို Content ရှည်ရှည်တွေက ပိုပြီးသင့်လျော်နေတတ်ပါတယ်။ ဥပမာပြောရရင် ဒီဆောင်းပါးရဲ့ ထိပ်စီးခေါင်းစဉ်လေး (၅) ခုကိုပဲ အစဉ်လိုက်လိုက်ဖတ်ကြည့်ပါ။ သင်ဘာမှအဓိပ္ပာယ်ပေါက်မှာ မဟုတ်ပါဘူး။ ဒါကြောင့် သင့်ရဲ့ Audience ကို ပျင်းမသွားရလေအောင် သင့်တော်တဲ့ Content Type တွေကို အလဲအလှယ်နဲ့ ပြောင်းလဲသုံးစွဲသင့်ပါတယ်။

Advice: သင့်ရဲ့ Audience ကိုဆွဲဆောင်နိုင်ဖို့ လိုအပ်မယ်ထင်တဲ့ Content အမျိုးအစားတွေကို စာရင်းပြုစုပြီး အလှည့်ကျ ဖန်တီးပါ။ Video, Audio, Image, Blog post, GIF အစရှိသဖြင့် အမျိုးမျိုး စမ်းသပ်သုံးစွဲနိုင်ပါတယ်။

၂၀၁၆ ဟာ မြန်မာနိုင်ငံရဲ့ Social Media ခရီးလမ်းအတွက် အရေးပါတဲ့နှစ်တစ်နှစ်ဖြစ်ပါတယ်။ အပြိုင်အဆိုင်ဝင်လာကြတော့မယ့် စီးပွားရေးလုပ်ငန်းတွေကြားမှာ သင့်ရဲ့ လုပ်ငန်းကို Social Media အကူအညီနဲ့ ယှဉ်ပြိုင်နိုင်စေဖို့ ရည်ရွယ်ပြီး ဒီဆောင်းပါးကို ရေးသားလိုက်ရပါတယ်။

 

မောင်သက်နောင် - ဟင်္သာတ တက္ကသိုလ်

24/12/2016

 

Credit -

(1) အောင်မွန်ချမ်း

(2) www.myanmarleaders.com

(3) www.aungmonchan.com

Facebook သုံးရင်း ပိုက်ဆံရှာမယ်..?

အဲ့လိုပြောလိုက်ရင် ဟာ အကိုကတော့ နောက်ပြီဗျာ 

ဆိုပြီးထင်ကြလိမ့်မယ်။ကျွန်တော်ကတော့ တကယ်ပြောတာ။

အခုလက်ရှိလည်း ကျွန်တော်က Facebook သုံးရင်း 

ပိုက်ဆံရှာနေတယ်။Online မှာ မီးစိမ်းလေး လင်းနေတာ 

ကျွန်တော်အလုပ် လုပ်နေတာပဲ...။ ။

ဟ ဟုတ်ရော ဟုတ်လို့လား အတည်ပေါက်ကြီးနဲ့

aနာက်နေတာလား ဆိုပြီး မထင်နဲ့ တကယ်အဟုတ်ကို 

ပိုက်ဆံရနေတာ..။

ဒါဆိုငါတို့လည်း လုပ်လို့ရလား ဆိုပြီးလာမမေးနဲ့ 

ဘယ်သူမဆိုလုပ်လို့ရတယ်ဗျာ။ဒါပေမယ့် လိုအပ်ချက်လေးတွေ

တော့ရှိတယ်။

ဘာတွေလိုအပ်မလဲ...?

ဟုတ်ပြီ အဲ့မေးခွန်းအတွက်အဖြေရှိတယ်...

မကြာခင် ကျွန်တော်ပြန်လာခဲ့ပါ့မယ်...

လင်းညီညာ